ശ്രീ തൃപ്പുറ്റ ക്ഷേത്രം
(മലബാർ ദേവസ്വം ബോർഡിന് കിഴിൽ )

പാലക്കാട് ജില്ലയിൽ ഷൊർണൂർ, കുളപ്പുള്ളി ദേശത്ത് കണയം റോഡിലൂടെ 11/2 കി.മി സഞ്ചരിച്ചാൽ ഋതുഭേദങ്ങൾ നിറങ്ങൾ പകരുന്ന, നെൽപാടങ്ങൾ ചാരുതയേകുന്ന (പ്രകൃതി തന്നെ ശാന്തി പകരുന്നിടമായ) ശ്രീ തൃപ്പുറ്റക്ഷേത്രസന്നിധിയിലെത്താം.

പ്രധാന പ്രതിഷ്ഠകളായി മഹാദേവൻ, ദാരികനിഗ്രഹം കഴിഞ്ഞ് ശാന്തഭാവം കൈവരിച്ച് മേവുന്ന, ആരാധിക്കുന്നവർക്ക് ആഗ്രഹപൂർത്തി നൽകുന്ന ദേവി, ഗണപതി എന്നീ സങ്കൽപ്പങ്ങൾ ചുറ്റമ്പല ത്തി നു ളളിലും, നാഗ ങ്ങൾ, ദ്വിപത്നീസമേതനായ ശാസ്താവ്, കൂടാതെ യോഗസമാധിയായ യോഗീശ്വരൻ എന്നീ സങ്കൽപ്പങ്ങൾ ഉപദേവതകളായും ചേർന്നിരു ളുന്ന ക്ഷേത്രവിധം ആശ്രിതർക്ക് ജന്മാന്തര ദുരിതങ്ങളെ തരണം ചെയ്യാൻ ഊർജ്ജം പകരും എന്നത് അനുഭവിച്ചറിയേണ്ടത് തന്നെയാണ്.

– ശിവൻ, ദുർഗാ കാളി, ഗണപതി, നാഗങ്ങൾ, ശാസ്താവ് എന്നീ മൂർത്തികൾക്കുള്ള ഒട്ടു മിക്ക വഴിപാടുകളും പൂജകളും ഇവിടെ നടക്കുന്നു.

തിരുവാതിര നാളുകളിൽ ശിവ സഹസ നാമത്തോടേയും മലയാളമാസത്തിലെ മുപ്പട്ടു വെള്ളിയാഴ്ച്ചകളിൽ ലളിതാസ് ഹസനാമത്തോടേയും കൂടിയുള്ള പ്രത്യേക അർച്ചന, പ്രദോഷപൂജ, ദാരികവധം, ഗണ് പതിക്ക് അപ്പംമൂടൽ എന്നിവയും ഇവിടുത്തെ പ്രത്യേകതയാണ്.

കൂടാതെ ആനയൂട്ട്, നിറ പുത്തിരി, ദശമി പൂജ,

എഴുത്തിനിരുത്തൽ, വാഹനപൂജ, വിവാഹം, ചോറൂണ് എന്നീ ചടങ്ങുകളും നടത്തപ്പെടുന്നു.

മകരമാസത്തിലെ മകയിരം നാൾ പ്രതിഷ്ഠാദിനമായി ആച രിക്കുന്നു. കുംഭം ഒന്നിന് ആരംഭിച്ച് പോക്ക് ഞായറാഴ്ച്ച വരെ നീളുന്ന കളംപാട്ട് ഉത്സവം, തട്ടകത്തെ വിവിധ ഭാഗങ്ങളിൽ നിന്നു

ഗജവീരന്മാരോടും ഇണക്കാളകളോടും വാദ്യമേള ങ്ങളോടും കലാരൂപങ്ങളോടും കൂടി എത്തുന്ന ആറ് വേലകൾ അരകുളത്തിനോട് ചേർന്ന് മൂന്നായി പാട്ടുകണ്ടത്തിൽ ഒന്നായി നിരയാർന്ന് ഒത്തു ചേർന്ന് ക്ഷേത്രത്തിലേക്ക് നീങ്ങുന്ന കാഴ്ച നയനമനോഹരം തന്നെയാണ്.