ശ്രീ തൃപ്പുറ്റ ക്ഷേത്രം
(മലബാർ ദേവസ്വം ബോർഡിന് കിഴിൽ )

കുളപ്പുള്ളി ശ്രീ തൃപ്പുറ്റ ക്ഷേത്രത്തിൽ ഞായറാഴ്ച നാഗ പ്രതിഷ്ഠാദിനം നടന്നു. പാതിരാകുന്നത്ത് ബ്രഹ്മശ്രീ കൃഷ്ണൻ നമ്പൂതിരിപ്പാടിന്റെ കാർമികത്വത്തിലാണ് പ്രതിഷ്ഠാദിനം നടന്നത്. അന്നേദിവസം രാവിലെ 9 മണി മുതൽ ഉച്ചയ്ക്ക് 12 മണി വരെ നാഗരൂപം വരച്ച് നാഗസ്തുതി വിശേഷാൽ പുള്ളുവൻ പാട്ട് പുത്തൻപുരയ്‌ക്കൽ മനോജ്‌ അവതരിപ്പിച്ചു. തുടർന്ന് ക്ഷേത്ര മുറ്റത്ത് പൂജ പുഷ്പ ഉദ്യാനത്തിന്റെ രൂപീകരണവും ഉദ്ഘാടനവും മലബാർ ദേവസ്വം ബോർഡ് പ്രസിഡന്റ് എം.ആർ.മുരളി നിർവഹിച്ചു. വിവിധ പരിപാടികളിലായി നിരവധി വിശ്വാസികളാണ് പങ്കെടുത്തത്. ക്ഷേത്രം ദേവസ്വം ബോർഡ് ചെയർമാൻ പയ്യനഴി രാജൻ, മെമ്പർ സതീശൻ, എക്‌സിക്യൂട്ടീവ് ഓഫീസർ സജീവൻ, വികസന സമതി പ്രസിഡന്റ് ശിവശങ്കരൻ, സെക്രട്ടറി ഹരികൃഷ്ണൻ തുടങ്ങിയവർ നേതൃത്വതം നൽകി.